【Emily】馬頭角社區客廳開幕 全港第9間

【明報專訊】馬頭角社區客廳噚日開幕，成為今年開設嘅第5間社區客廳。呢間社區客廳由立法會議員李慧琼有份創辦嘅「愛．聯繫慈善基金」營運，除咗有多用途學習區、遊樂區等基本設施，仲有智能漂書櫃，畀街坊一嘗讀書樂，並有（圖1）中嘅共享客廳畀街坊「打躉」。

政務司長陳國基出席開幕禮時提到，早前益豐大廈停電期間，馬頭角社區客廳開放咗4晚通宵，證明只要能夠為市民服務，社區客廳都可以有彈性。馬頭角社區客廳係全港第9間社區客廳，面積約2800呎，預計服務350個劏房戶，全年服務約5.2萬人次。