【Emily】第四輪「賞你遊」有古蹟主題 11‧9起報名

【明報專訊】旅發局噚日宣布推出第四輪「賞你遊香港」，呢一輪名額有6.4萬個，有超過350個本地旅行社設計嘅行程，旅行團總數約2000個，亦都有啲政府喺《施政報告》提出想推動嘅歷史古蹟主題本地遊。噚日開始，只要消費者喺本地零售及餐飲商戶嘅實體舖買滿800元，就可以儲起機印收據正本（最多兩張），11月9日起直接同旅行社報名，第一批旅行團最快喺11月14號出發。