【Emily】迪士尼「奇妙一百年」 《魔雪奇緣》園區港明年登場

【明報專訊】適逢香港迪士尼樂園度假區開幕17周年，加上明年迎來華特迪士尼公司成立100周年，香港迪士尼噚日宣布一連串「奇妙一百年」嘅慶祝活動，又預告以動畫《魔雪奇緣》為主題嘅園區，將於明年下半年喺香港迪士尼登場。作為全球首個《魔雪奇緣》世界，遊客可以喺阿德爾王國遊歷各個電影中嘅景點，園區亦設有兩項遊樂設施，包括過山車「雪嶺滑雪橇」及小船「魔雪奇幻之旅」。