【Emily】九龍城推消費優惠 AR吸打卡

【明報專訊】繼早前中西區及灣仔區後，《小街道 大聯盟》本月起一連兩個月喺九龍城區舉辦，透過不同活動同商戶優惠吸引本地及遊客消費，超過60間餐廳同商店參與。今次市建局同中國美術學院都有參與，揀咗區內3個地點，讓市民用手機透過擴張實境（AR）技術，睇到九龍城以前嘅面貌。

市建局與中國美術學院創作咗3個AR打卡點，喺今次計劃特色之一，本月內喺龍崗道、打鼓嶺道及賈炳達道啟用，用手機或行動裝置可睇到昔日飛機喺啟德機場一帶低空飛過、九龍城寨，以及潮州橙墨魚同泰國紫飛象喺空中「嬉戲」嘅效果。

推廣期內憑優惠卡可於超過60間餐廳及商店獲得不同優惠，合辦活動嘅香港中小型企業聯合會就喺內地社交平台小紅書負責推廣50多間商戶。會長郭志華噚日喺啟動禮話，期望藉計劃支持小商戶，推動本港特色旅遊，同時帶動銀髮經濟，創造更理想嘅營商環境。