【Emily】海港城美食廣場下周一Last Day 開業22年 網民不捨「充滿回憶」

【明報專訊】近年愈嚟愈多食肆結業，最新係已開業22年、位於尖沙嘴海港城嘅美食廣場cookedDeli，最後營業日係下星期一（19日）。負責營運嘅City Super集團就解釋，話因為租約期滿而結業，多謝顧客一直以嚟嘅支持。消息一出後，有網民留言形容呢個美食廣場係「充滿回憶嘅地方」，甚至話好遺憾無去過，集團亦回覆話多謝支持，仲誠邀該網民喺呢幾日幫襯。另有網民話之前先用旅發局「香港夜饗樂」嘅100蚊消費券喺嗰度食嘢，估唔到咁快就結業。