【Emily】立會6議員撳掣發言唔見人

【明報專訊】噚日立法會大會再甩轆，又有議員撳咗發言掣但冇影，仲要成6個議員咁多，包括有紡織及製衣界陳祖恒、新民黨李梓敬同埋選委會界別蘇長荣等。當時正值討論由選委會界別林筱魯提出嘅「深化行政改革，堅持完善治理體系」議案，但因為要發言嘅議員唔見影，負責主持會議嘅內會副主席馬逢國即刻叫番林筱魯發言，仲一度搞錯發言時間添。