【明報專訊】勞工處噚日起展開為期兩周、針對新工程建築地盤嘅全港特別執法行動，重點針對高處工作、高風險工序、機械及作業裝置，例如吊運設備、動力升降工作台等，以防有人做嘢唔安全。勞工處話今次會用小型無人機，從高空遙距監察，當發現地盤有唔安全嘅作業，會即時攝錄蒐證。
勞工處話，鑑於近日建築地盤接連發生嚴重工業意外，若果發現違反職業安全及健康法例，會即時嚴厲執法，包括檢控、發出「暫時停工通知書」及「敦促改善通知書」。
根據《職業安全及健康條例》嘅一般責任條款規定，僱主必須為僱員提供安全嘅工作環境、作業裝置同工作系統，違者最高可被判處罰款1000萬元及監禁兩年。
