【明報專訊】元朗錦綉花園漏水問題纏繞多年，屋苑每日失水相等於1.2個奧運標準游泳池，屋苑管理公司早前提出5億元水管更換工程，引發爭議。水務署早前委託3名專業人士及學者成立「獨立專家小組」提供第三方專業意見，小組噚日到屋苑，利用儀器實地勘察，話爭取喺4月有初步結果。
專家噚日利用「透地雷達技術」採集地底狀况數據，之後會蒐集聲學偵測、水質測試及現場環境狀况等數據，再配合地理資訊做綜合比對及分析，仲會考慮錦綉花園用緊嘅水管物料及使用年期，從多角度了解屋苑地下水管情况。水務署話會喺過程中向業主或管理公司提供適切嘅技術支援。
