【Emily】後電影舞蹈裝置 浸大《異．地》倫敦展出

【明報專訊】浸會大學周一（19日）同香港駐倫敦經貿辦喺倫敦舉行「明珠脈動：前衛．商道」交流酒會，推廣香港藝術科技領域嘅發展同機遇，同時慶祝由浸大、香港芭蕾舞團及英國舞團Studio Wayne McGregor製作嘅全球首個後電影舞蹈裝置作品《異．地》喺倫敦展出。駐倫敦經貿辦處長周雪梅話，項目由香港同英國嘅機構製作，突顯香港作為中西文化藝術交流樞紐嘅角色。浸大預告呢個項目今年夏季會喺中環大館展出。

酒會獲香港貿發局、英格蘭藝術委員會等支持，約60人參與，浸大校長衞炳江（圖）都遠赴英倫出席。衞話《異．地》將數碼同智能技術拓展到藝術表演，係促進文化發展嘅「經典範例」。據浸大介紹，《異．地》獲創新科技署資助3540萬元，用咗全景360度立體屏幕，結合舞蹈、數碼影像、AI、空間音效等元素，𠵱家喺倫敦巡迴展出。