傳陳志雲「MIRROR叱咤」風波離巢 森美稱太睇小「大師」高層地位

【明報專訊】森美前日出席痛症中心開幕活動，自嘲是「痛症達人」，相信每名真男人身上都有點戰績，他因扁平足關係常扭傷，膝蓋容易疼痛，「因打籃球及習慣趴睡致腰背受傷，20多歲已出現椎間盤突出，嚴重時無法起身。手肘及手指亦因舊傷出現腫痛，需接受治療」。

近日有傳陳志雲將離開商台，森美稱有看相關報道，不清楚管理層的決定，「佢有請我食元朗好出名嘅炒米餅，人哋請佢，佢送畀我食。我食完佢再請我食，頭先有人問係咪散水餅，我嚇一嚇，唔係呀嘛？得我有，其他人無」。他稱現今媒介流動屬正常現象，森美大讚陳志雲無論在商台或以前在無綫均製作不少優秀節目。對於有猜測陳志雲離巢，跟他之前說MIRROR可能有成員出席《叱咤》頒獎禮，最終無現身有關，森美認為陳志雲去留與此事無關，「大家太睇小『志雲大師』喺電台高層的地位，以佢呢個地位，可以再講大啲都得，好小事咋」。

娛樂組