【Emily】CY購物歐元當港紙 店主數月後原銀奉還

【明報專訊】全國政協副主席兼前特首梁振英喺「拆禮物日」（Boxing Day）分享咗一單好人好事。佢噚日喺facebook話，朝早去旺角金魚街一間舖頭買金魚，店主畀咗兩張20歐元嘅紙幣佢。

事源鍾情養魚嘅梁振英，幾個月前去同一間舖頭買水草，畀錢時一時大意，畀咗兩張20歐元店主，即係足足40歐元，以現時嘅匯率計算，大概366港元。20歐元同20港元紙幣都係藍色為主，唔怪得店主當時未察覺。

不過，睇嚟店主事後都發現「收錯錢」，幾個月後梁振英返去再幫襯就原銀奉還。