伍詠薇自覺跟「失」字有緣 想同魏浚笙合唱《失約巴黎》

【明報專訊】伍詠薇日前現身維園工展會，為代言品牌任一日店長，自言是宅女，但不會錯過行工展會。喜歡購物的她笑說：「有好多老闆朋友在工展會現場，我呢啲小婦人嚟到就『喂，老闆，我嚟撐你！』跟住大家畀好多產品我，試過借人哋嘅大車仔，拖咗兩車戰利品回家。」

伍詠薇早前為ViuTV選秀節目《全民造星IV》任評判，大讚參賽者表現好，「我中段任評判，都有望吓電視，睇吓心水嗰一兩個，我估自己會貼中賽果」。問到會否燃起唱歌癮？她自覺跟參賽者同樣熱血，「熱血唔分年齡，都想同佢哋jam吓歌，睇到佢哋愈嚟愈成熟，好good」。她30年前在港台《十大中文金曲》奪新人銀獎片段在網上翻hit，伍詠薇說：「我首《失落於巴黎鐵塔下》嘛，開心大家仍然記得。」她自言跟「失」字有緣，「我有《失落於巴黎鐵塔下》，又有草蜢《失樂園》（任MV女主角），所以我有咩都失而復得。」伍詠薇留意魏浚笙有首歌《失約巴黎》，稱有興趣跟對方合唱。

娛樂組