Emily Online｜ 旅發局繼續向日民眾推介香港旅遊 介紹港版出前一丁做手信 (21:56)

中日兩國關係呢期麻麻，不過香港旅發局都繼續盡責，向日本旅客推介香港。旅發局日文專頁今日（25號）就向日文讀者推介，喺超級市場都買到嘅5種香港手信，包括出前一丁港版即食麵。

旅發局帖文中推介，可試下出前一丁香港限定口味嘅即食麵，又話香港其中一款最受歡迎嘅係椒麻麻油味。旅發局又推介遊客可留意下得寶（Tempo）紙巾，並推介係德國紙巾。另外三樣推介手信分別係香蔥餅、鐵觀音茶包，同購物袋。