娛樂
二女百日宴 群星到賀 58歲黃澤鋒陳麗麗有意追仔
【明報專訊】58歲黃澤鋒與同齡太太陳麗麗8月再添千金，前晚為二女「小貴妃」黃熙喬舉行百日宴，筵開40席宴請親朋，開席前舉行長女「小黃妃」黃熙恩胎毛筆開筆和「小貴妃」製作胎毛筆儀式，二人打手印及腳印，寓意姊妹情深。黃澤鋒榮升兩女之父，湊女生活更忙，每天接送大女上學放學後便教游水，餘下時間照顧細女，「辛苦但開心，這年紀有兩個女好感恩同非常開心。大女考第4名，成續好好，還幫手湊妹妹，個鼻最堅，索一索就知妹妹要不要換片，最好是她沒妒忌，我和她說爸爸愛她和妹妹無分彼此，對小朋友不能偏心」。
黃澤鋒認為即使要辛苦掙奶粉錢也不要緊，搵幾多使幾多，「爸爸一定辛苦，我咁鬼勤力，應該都唔衰得去邊，一個星期做7日，又冇諗過退休，經濟上再生多個都唔驚，當然要老婆身體冇問題先得，講笑而已，只是比喻」。陳麗麗笑道：「我話封肚㗎！佢話生多個，我𠵱家都驚，睇情况啦，我都仲OK，做婦科檢查話我子宮仲好靚，可以再來。問大女想不想多個細佬又話好，還是不要想太多，當年就是想太多，想了10年才出現。」
黃浩然抱BB標汗
胡楓、黃浩然、鄧兆尊、孫慧雪和黃心美等圈中好友到賀，胡楓笑稱一晚去3單飲宴，忙過開工，匆匆看完B女便趕下場，讚黃澤鋒很犀利。會否跟B女上契？他說：「傻㗎咩！如果上契就係契息（曾孫），我啲息都大過佢好多啦。」
黃浩然與黃澤鋒是冼灝英徒弟，開工前來恭賀師兄，讚對方勁揪，稱很久沒抱BB，抱一抱已標汗。可有燃起再生B女想法？他說不要搞這些，「真係命都冇！我老婆鍾意女，覺得可幫囡囡扮靚，不過現在都OK，兩個仔都好好，一把年紀搞唔掂」。他正積極為毅行者備戰，透露很開心加入了周潤發的跑會，對方曾表示想和他一起衝線，「不過佢知自己唔方便，所以之前約我和其他隊友行山實習，之後一齊食午餐」。
鄧兆尊唔夠膽做老竇
鄧兆尊笑稱黃澤鋒難得如此大膽，差不多60歲都來博一博，一定要來恭賀。他自問不夠膽博，現在生出來，他80歲，小朋友都未夠20歲。鄧兆尊常在網上節目爆料，強調講事實：「我哋唔會作嘢，盡量唔爆人私隱亦不開名，無謂影響人，未試過被投訴。」他被拍到與短裙女子結伴行街，他沒好氣說：「我有很多中年女性在身邊出現，不想再解釋，不明白為何和女性一齊行街就有關係，通常我是帶別人老婆行街，因別人信得過我。」
