娛樂
Tyson Yoshi爆魏浚笙周身名牌做gym
【明報專訊】Tyson Yoshi前晚出席時裝匯演活動，透露以歌曲《1994》MV為基礎開拍的微電影《1994（前傳）》完成得七七八八，目前正後期製作，稍後等過電檢，並舉辦首映活動，「雖然係微電影，我都想『小朋友扮大人』舉辦首映，門票僅供應用程式內的粉絲購買，不設公開發售」。
魏浚笙大爆Tyson Yoshi財力雄厚重本拍微電影，他反爆對方財力一樣雄厚，「唔好睇小佢，佢平時出嚟健身都周身名牌，10幾20萬喺身！我成日問佢『可唔可以唔好咁誇呀？師兄』」。魏浚笙希望他包場支持其首部擔正電影《殺手#4》，Tyson Yoshi笑稱無錢，因資金已全數投放製作微電影。周殷廷早前透露《1994（前傳）》有名長髮女主角，Tyson Yoshi說：「我忍口忍得好辛苦，由構思、拍攝到後製忍咗4個月，暫時唔講得，否則大家會估到所有劇情。」
