【Emily】駐港一月意鋼琴家 訪無家者組織

【明報專訊】29歲意大利鋼琴家Filippo Gorini早排首次來港喺大會堂舉辦演奏會，之後去科大表演，觀眾免費入場。佢上星期去到無家者組織「ImpactHK」（同路舍）為街坊演奏，最後同組織嘅合唱團合奏佢哋嘅主題曲Impact Go，並同義工一齊派飯畀街坊。

Filippo揀咗幾首200多年前嘅作品表演，分享話雖然樂章歷史悠久，但佢同大家仍能透過呢啲樂章連結一齊感受當中嘅力量。從影片所見，Filippo演奏期間有無家者嘅手指跟拍子彈動，相當投入。

Filippo今次來港其實係佢「七城奏鳴曲」項目一部分，佢喺全球7個城市展開各為期一個月嘅駐地計劃，舉行多場社區項目、音樂會、教學等，香港係其中一站，其他已公布城市都喺歐美，最後一站尚未公布。