【Emily】置地法式魔幻小鎮迎聖誕 設互動祈願湖 開放至元旦 成人入場費100元

【明報專訊】聖誕節將至，城中各大商場嘅大型聖誕佈置紛紛亮相。其中中環置地廣場今年設置咗號稱歷來最大規模嘅節日裝置，喺中庭放咗一座闊30米、高11米嘅法式魔幻小鎮，裏面有個全港最大嘅互動祈願湖，畀訪客許願祈求願望成真。

許願幣投湖 祝福會點亮大屏幕

呢個「湖邊小鎮」名為「Noëlia」，祈願湖名為「光之湖」，據置地介紹，訪客將魔法許願幣投入湖，會有神秘嘅湖中守護者將祝福傳送到湖面上，點亮12米乘12米嘅LED屏幕，締造一個難忘時刻。

小鎮有不同設施同打卡位，包括8米長嘅星光滑梯畀大人細路玩，並有11米高燈塔，及每30分鐘上演燈光匯演。小鎮即日開放至元旦日，入場費成人100元，4至11歲小童半價，3歲或以下免費。