農夫出道25年自立門戶 頭炮棟篤笑大賽

【明報專訊】組合農夫出道25年，成員陸永與鄭詩君（C君）日前於社交平台宣布做老闆，成立公司「農作天下So Fa So Cool」，除涉獵幕前幕後製作，主辦舞台演出、演唱會，線上線下活動，還做埋自己經理人。農夫官方社交平台上載二人在新公司辦公室裝修前後的照片，留言：「農夫開張咗25年，今日自己公司終於開張喇，以前淨係耕種自己嘅農作物，𠵱家耕埋幕後主辦、創作、製作塊田，以前淨係耕自己塊瘦田，𠵱家發現，其實所有同行、投資者、創意工作者都係農夫，大家都默默耕耘，日後如果大家鍾意，耕田可以一齊耕，夾手夾腳，將農作物豐收遍天下。」

陸永搞笑留言︰「呢張裝修前後圖，係好反映到呢廿五我哋嘅經濟狀况。」C君於其社交網發文︰「以前農夫同人合作最多都係希望幫人寫吓歌，𠵱家終於有個空間可以合作同人寫吓稿、寫吓劇本、度吓show、監吓製，合力栽種，但願所有創作人嘅農作物豐收遍天下。」農夫成立公司後，明年1月製作《全港棟篤笑大賽》，正於社交平台呼籲有興趣人士參加。

娛樂組