【Emily】在囚登記選民有1在任選委 地方選區有2428人

【明報專訊】全港由醫院到公廁都見到12月7號立法會選舉投票日海報，Emily聽聞「牆內」都一日播幾次投票宣傳，事關懲教院所內嘅登記選民都有權投票。根據選舉事務處公布嘅在囚登記選民數字，今年係2021年恢復選舉委員會界別後首次有在任選委有資格投票，根據資料，該名登記在囚者喺高度設防嘅石壁監獄。

地方選區方面，今年有2428名在囚者可在專用票站投票，較上屆少3人，但仍較2016年嘅2054人多。當中較多人係新界北、新界西南同九龍東登記選民，同上屆相若，各選區有超過300人。另外，有121名同93名在囚登記選民分別喺高度設防嘅石壁監獄同大欖女懲教所。

功能組別中有6名在囚登記選民，包括醫療衛生界兩人；教育界、會計界、社福界、工程界各1人，整體較上屆少12人。