【Emily】「無語哥」前排訪港 着迷大澳「無語」氛圍

【明報專訊】旅發局今年9月邀請咗全球TikTok有1.6億人追蹤嘅KOL「無語哥」（Khaby Lame）訪港，噚日公布佢在港行程，當時係佢13日中國之旅嘅尾站，之前佢去過北京、上海、廣州同深圳等10個城市。

Khaby喺香港試過學舞火龍，又喺大澳體驗鹹蛋製作、坐小艇欣賞水上棚屋及到訪大澳文物酒店。佢話為大澳着迷，特別鍾意寧靜嘅氛圍，「坐喺船上睇夕陽映照水面，感覺非常放鬆」。佢之後又去咗深水埗嘅大牌檔食港式小炒，亦試過喺五星級酒店歎英式下午茶。

旅發局今年已邀請超過440個KOL來港，佢哋加埋有超過4.4億個支持者。旅發局話會為KOL度身訂做多元化主題及體驗，希望透過佢哋嘅口碑，借助佢哋龐大嘅影響力，吸引更多旅客來港。