【Emily】樂齡科技博覽 設AI應用主題館

【明報專訊】第9屆「樂齡科技博覽暨高峰會」下周四（20日）起一連4日喺會展舉行，今屆有超過270個參展單位，展出近千款來自香港、內地同全球多地嘅樂齡科技產品同應用方案，涵蓋健康監測、護理、遙距醫療、智能管理、康復訓練等範疇。

樂齡科技博覽自2017年舉辦，由政府同社聯合辦、香港科技園公司協辦。今年博覽有三大特色主題館，包括聚焦人工智能社會應用嘅「AI智慧樂齡新未來」、講解排便與腸道健康嘅「便便館」、關於照護食發展嘅「照護食樂園」，各館有創意場景同互動體驗，幫助了解各類樂齡科技支援服務同方案。

其中下周五（21日）有重點活動「銀髮高峰會」，屆時有多名專家講者分享，就住照護食標準、銀髮產業發展，以至退休規劃等各方面討論，共同探討銀髮經濟嘅機遇。