【Emily】李國章膺港大名譽博士

【明報專訊】被外界稱為「沙皇」嘅港大校委會前主席兼現任行會成員李國章，獲港大頒授名譽科學博士學位，表揚佢對教育同社會嘅貢獻。港大將喺本月26日舉行學位頒授典禮，國際知名動力工程師陳剛、香港精算學會前會長潘燊昌分別獲頒名譽科學博士及名譽社會科學博士。

據港大介紹，李國章出身香港望族，中學畢業後負笈英國劍橋讀醫，專攻肝、膽、胰及上腹外科手術，1982年返港先後出任中大外科學系創系講座教授、中大校長同教統局長。

李國章擔任港大校委時曾發生風波，其中2015年港大拒絕委任陳文敏為副校長，時任校委嘅李被指有份干預；翌年李出任港大校委會主席，唔少學生罷課抗議。

另外，陳剛主要研究納米尺度熱傳導和能源科學，2006年加入麻省理工學院，現任該校Carl Richard Soderberg動力工程講座教授。潘燊昌就係港大校友，𠵱家係港大基金副主席。