張頴康約滿無綫 結束19年賓主關係

【明報專訊】43歲張頴康昨日宣布離開效力19年的無綫，凌晨在社交平台上載最後一天拍攝告別劇集《玫瑰戰爭》的照片，跟劇中演員馬國明、姚子羚及劇組人員合照留念，留言：「再見了TVB！所以喺TVB嘅最後一日，影咗啲相留念！19年，真係一個唔短嘅日子！拍完最後一個鏡頭，原來眼淚真係會忍唔住留咗出嚟！」他回想19年前獲劉德華安排加入無綫訓練班，希望他可以好像對方及林家棟一樣，接受無綫木人巷的訓練，記得入無綫前，林家棟跟他說：「入到去，乜都唔好理，耷低個頭就做，你一定會學到嘢！」

張頴康遵從林家棟的一番話，19年後真的成為一名實實在在的演員，「多謝華哥（劉德華）同家棟哥哥（林家棟）！」他表示10年前在無綫頒獎禮奪飛躍進步男藝員，現在想講的跟當年上台時說的一樣，要多謝監製劉家豪、梅小青、黃偉聲、張乾文、陳志江、方駿釗，給他好多機會，成就演出多個感動觀眾的角色。到近年慶幸跟「77工作室」合作多部劇集，「我特別要多謝佳哥（鍾澍佳）對我嘅支持同鼓勵，令我愈演愈有信心，讓我喺呢兩年內對演戲領會到另一個層次！」他最後多謝無綫給他很好的平台，讓觀眾認識他，還認識到眼中獨一無二的「東張女神」麥雅緻，成為他的老婆，有一個幸福家庭，19年後可以好自豪講一句：「『我張頴康，係劉德華同TVB栽培出嚟嘅演員！』各位戰友，江湖見！」

娛樂組