【Emily】仁大頒高永文榮譽博士 表揚公共衛生成就貢獻

【明報專訊】香港樹仁大學將於12月2日舉行第51屆畢業禮暨榮譽博士學位頒授儀式，校方噚日宣布將會向前食物及衛生局長、行會成員高永文（圖）頒授榮譽社會科學博士，表揚佢喺公共衛生同醫療政策領域嘅卓越成就，及多年致力造福社會嘅貢獻。

仁大話，高永文行醫超過45年，喺2003年SARS疫情期間臨危受命署任醫管局行政總裁；其後喺2012年至2017年出任食衛局長，卸任後重返臨牀服務；2022年成為行會非官守議員，為香港公共事務建言獻策。

仁大又話高永文積極推動中西醫協作，促成全港第一間中醫院成立，形容佢係公共衛生界嘅卓越領袖，以濟世為懷、關心病人福祉持續推動專業知識同行業進步，當中嘅精神與仁大「敦仁博物」嘅辦學宗旨相契合。