【Emily】中大Med Can檸檬批 北角餐廳堂食「復刻」

【明報專訊】自從中大李卓敏基本醫學大樓小食店（俗稱Med Can）結業後，名物「中大Med Can檸檬批」似乎成為絕響。不過近日檸檬批「重出江湖」，位於北角嘅西餐廳Gotthard Base嘗試還原同限量發售檸檬批，噚日仲話通過咗「終極測試」，連前Med Can老闆試食後都話「啱啊，差唔多呢隻味！」

Gotthard Base上個月宣布，大廚早前用咗一年時間請教Med Can當年主理人，反覆調整配方後重新推出檸檬批。檸檬批每日限量25件，畀午市同晚市堂食客人以88蚊加購，每枱限買一件，中餐廳「人人和平」會員優先。

Gotthard Base又話檸檬批僅限堂食，因為呢款批「如回憶般脆弱」，30分鐘就會融化；而22%收入會捐畀中大相關項目，包括中大醫學院、新傳系、新亞書院等。