【Emily】陳帆珠姐譚耀宗 頻為參選人站台

【明報專訊】立法會選舉提名期開始咗一星期，除部分議員頻頻現身撐黨友或議會同事，唔少熟悉面孔都落力為參選人站台，其中包括政界元老及前官員，前運房局長陳帆噚日就直踩4場，支持唔同界別嘅參選人。

陳帆上周已先後為多人站台，噚日就見佢為參選法律界嘅自由黨陳曉峰、教聯會黃錦良站台，又去支持黃浩明選地產及建造界、發展局前政助馮英倫報名選委界。

政界元老、基本法委員會前副主任譚惠珠呢幾日就分別為梁美芬、蘇紹聰、葛珮帆、陳永光等報名選委界站台。民建聯會務顧問譚耀宗就連日陪同民建聯參選人報名。

新界東北 劉國勳撐黨友又撐對手

另外，新社聯譚鎮國、民建聯姚銘噚日都報名參選新界北直選。放棄爭連任嘅民建聯新界北議員劉國勳噚日就連踩兩場，先支持黨友，形容對方係「好拍檔」，之後再去撐譚鎮國，讚佢有能力、適合當選。

各界別參選名單詳見選舉事務處網站 https://www.elections.gov.hk/legco2025/chi/nomination2.html