【Emily】非政府發出 黃傑龍收神聖一票短訊

【明報專訊】政府開始用唔同渠道宣傳12月7號立法會換屆選舉投票，飲食集團老闆黃傑龍噚日喺社交網站分享話，收到一則短訊，提醒「行政長官李家超呼籲市民踴躍投票，用您手上神聖一票選出心儀的候選人」。網民就議論紛紛留言，話無標示「#」嘅信息可能係詐騙信息。政府回覆查詢時就話呢個信息唔係來自特首或政制局，但鼓勵及樂見社會各界響應政府呼籲，以不同方式推動和支持立法會換屆選舉。

香港資訊科技商會榮譽會長方保僑留言講笑問黃傑龍，「你係咪暴露咗行政長官個電話？」另有網友留言話佢都收到，覺得係詐騙，已經report（舉報）咗。

黃傑龍同Emily話，無覆呢個信息，但以為係政府呼籲市民投票方式，所以幫手分享宣傳吓。