【Emily】關愛隊第二期啟動 特首：街坊讚充滿溫度

【明報專訊】第二期455隊關愛隊已開展服務，政府噚日舉行啟動禮，特首李家超出席後喺社交平台話最令佢感動嘅係落區探訪時，好多街坊向佢反映關愛隊「充滿溫度」，例如有長者話關愛隊幫佢換燈泡時，見牀底積存垃圾就主動幫手清理。李家超話對第二期關愛隊寄予厚望，希望佢哋將團結互助、堅韌包容嘅精神同力量再度發揚光大。

李家超上任第一份《施政報告》提出成立關愛隊，第一期關愛隊嘅服務合約今年9月至10月完結，大部分繼續第二期。李提到社會發生重大事情都有關愛隊在場，例如上個月鰂魚涌發現戰時炸彈，多隊關愛隊通宵協助疏散居民；超強颱風「樺加沙」襲港時，關愛隊協助政府提前部署，幫居民裝臨時擋水板、墊高電器同家俬，又幫手疏散同派應急物資。政府話將會加強培訓關愛隊應對突發同緊急事故嘅能力。