【明報專訊】每當有致命工業意外發生，頭幾日社會討論往往熾熱，但隨着時間過去，唔少事故逐漸淡出公眾視野，直至部分案件開審。工業傷亡權益會最近招募旁聽義工，以應屆專上課程學生為對象，希望有心人能夠同佢哋及工殤者家屬一同走入職安法庭，見證一宗宗喺家屬心中嘅「大案」如何開展，又迎來點樣嘅結果。
工權會話，有意參加嘅學生義工需先參與兩節培訓，以學習同職安案件相關嘅法庭審訊程序及聽審速錄技巧，完成後需要輪流同工權會職員及遺屬前往法庭聽審，並整理紀錄。
義工計劃星期四（23號）中午12時截止報名，義工名額有6個，額滿即止，有興趣學生可以去工權會facebook了解詳情。
