【Emily】VTC新港鐵駕駛遊戲 月尾有得玩

【明報專訊】職業訓練局（VTC）遊戲及動畫高級文憑師生同港鐵喺十幾年前展開「港鐵模擬駕駛遊戲」項目，最新開發咗新一代嘅模擬遊戲MTR Goal 2，會喺VTC「玩轉技能嘉年華2025」登場，公眾可以喺26號以模擬駕駛方式體驗駕駛東鐵線列車。

MTR Goal 2嘅玩家可以揀日行或夜行模式，行駛東鐵線大學站至沙田站嘅露天路段，「車長」要按路面情况同車速限制加減速，遊戲會按玩家嘅駕駛表現評分。

遊戲由VTC遊戲及動畫高級文憑課程學生開發，而設計新一代MTR Goal 2嘅畢業生蘇釗（Davis）自小係「機迷」，高中時已選修電腦遊戲同動畫設計相關嘅應用學習課程，佢今次花近一年開發遊戲。

「玩轉技能」嘉年華2025喺本月26日上午10時30分至晚上8時喺西九文化區大草坪舉行，場內會有互動遊戲及攤位，介紹各項實用嘅應用技能。