【明報專訊】積金局已推出「積金易平台」，畀僱員、僱主喺平台登記計劃、供款、整合帳戶、調整強積金投資組合、檢視強積金投資表現等。積金易平台噚日成立積金易車隊，話會走勻18區宣傳（圖）。橙黃色車隊好搶眼，仲有唔同車款，總數將逐步增至10架。
車身除咗展示「積金易」最新資訊、宣傳短片及操作流程外，並配備電子工具，畀打工仔女可以喺「積金易」服務大使協助下即場註冊「積金易」同解答查詢。
「積金易」車隊噚日起巡迴各區，會走訪行業計劃成員嘅主要工作地點，包括建築地盤、食肆集中地等，車隊行程表及服務時間等可參閱「積金易」網站。
