【Emily】港自主研發 中大AI機械人可搜救揀貨

【明報專訊】中文大學「香港物流機械人研究中心（HKCLR）」推出兩款人工智能（AI）機械人，一款係「LY1 四足機械人」，可以喺崎嶇同複雜嘅地形高速越過障礙物同自主導航，包括攀上1米高嘅台階，或者變成「兩足」上落樓梯，可用於搜救同應急行動。

另一款機械人係「AI智能雙臂操作平台」，機械人理解場景後，可按指令完成唔同任務，包括喺倉庫分揀同搬運貨品、為超市貨品上架等，提升效率。

​創新科技及工業局長孫東噚日喺發布會致辭話，HKCLR係AIR@InnoHK旗下嘅研發中心，自2020年成立以嚟，多項創新成果已喺國際舞台屢獲殊榮，而今次展示政、產、學、研嘅合作成果。佢話好高興見證中心推出香港首個自主研發、基於先進AI模型嘅四足機械人同人形雙臂操控平台，政府會繼續多管齊下，創造有利創科條件。