【Emily】海洋公園馬蹄蟹專家帶義工水口灣淨灘

【明報專訊】本報上周六（11日）報道，超強颱風「樺加沙」上月襲港後，瀕危物種馬蹄蟹嘅重要棲息地大嶼山水口灣沙泥灘有大量海洋垃圾被捲上岸，包括膠樽、膠袋同漁網等。海洋公園及香港海洋公園保育基金嘅馬蹄蟹專家當日率領10多人義工團隊及大嶼山居民，到水口灣淨灘。

海洋公園公司動物及保育執行總監暨香港海洋公園保育基金總監祝效忠話，水口泥灘受海洋垃圾污染情况惡劣，垃圾量較平時多數倍，泥灘上遍佈塑膠垃圾，若馬蹄蟹被俗稱「鬼網」嘅廢棄魚網纏繞或誤食微塑膠，死亡風險將大增，必須人為介入，讓泥灘回復潔淨。

祝效忠又話，水口灣沙泥灘係馬蹄蟹嘅重要生境，周圍生態系統有豐富食物資源，如小型無脊椎動物和藻類，對馬蹄蟹生長和繁殖至關重要，馬蹄蟹會喺嗰度育幼和產卵，初生馬蹄蟹需要喺泥灘生活10年方能成熟，並遷往近岸海牀生活，泥灘如受破壞，馬蹄蟹成年嘅機率將會大減。