《我推的男子》魯文傑不適入院 梁祖堯臨時頂替 出場緊張手震

【明報專訊】楊樂文（Lokman）、蔡瀚億 、陳穎欣及魯文傑等主演舞台劇《我推的男子》上周五（3日）首演，前晚第8場，魯文傑因健康問題送院檢查，要臨陣換角，由聯合導演梁祖堯（阿祖）頂上。阿祖演出後在社交平台發文，寫道：「演員嘅壓力夢，成日都係未排過一個演出，突然間推你上台，估唔到今日經歷咗一次。其實Simon（魯文傑）下午5點返嚟已經化好妝set好頭，但係去到6點嘅時候，我哋全部人傾過，決定都係要逼佢入醫院做一個詳細檢查，無嘢緊要得過健康！」

阿祖稱身為導演的優勢是會記得所有走位，至於台詞，他只有盡力背，the show must go on。前晚開場遲了20分鐘的原因就是阿祖在最後一刻在台上走一次位。他又稱劇場是一個奇妙的地方，大家團結一致，無嘢會做唔到。他承認好驚，出場時手都震埋，很久沒有這樣緊張感覺，但有每個演員、台前幕後carry住就順利完成。他又透露魯文傑沒有大礙，但醫生建議他休息多一天，故昨晚仍由阿祖替補。

娛樂組