【Emily】人才辦新總監陳海勁周四履新

【明報專訊】香港人才服務辦公室噚日宣布，新任總監陳海勁（圖）將會喺本周四履新。陳海勁於2020至2025年出任旅發局業務拓展總經理，之前喺貿發局、香港迪士尼同跨國企業出任管理職位。根據陳海勁嘅Linkedin資料，佢喺旅發局時曾經負責「Hello Hong Kong」嘅項目。

至於新上任後有咩做？人才辦就話陳海勁下個月會去北京、英國同瑞士等地訪問，會同當地嘅合作伙伴、著名大學、商會同行業協會交流，並會帶埋香港企業去當地招聘，推廣香港嘅優勢及機遇。勞工及福利局長孫玉菡就話歡迎陳海勁加入人才辦，期望佢帶領人才辦積極招才、引才同留才，協助香港打造國際高端人才集聚高地。

值得留意嘅係，人才辦前總監劉鎮漢離開人才辦後重返旅發局擔任總幹事，過去佢都喺旅發局做過總幹事，唔知陳海勁將來會唔會同劉鎮漢一樣會重返旅發局呢。