【Emily】業界東京電玩展設香港館 展11款遊戲

【明報專訊】香港數碼及電競業界今年再去日本推廣，「2025東京電玩展」本月25至28號舉行，香港業界喺場內設「香港館」，並派出11間本地初創遊戲公司參與，喺亞洲大舞台展示香港原創實力。

一年一度嘅東京電玩展於千葉幕張展覽館舉行，會場雲集全球頂尖遊戲開發商及業界人士，有大批遊戲迷朝聖。電玩展「香港館」面積約100平方米，集中展示11款來自香港嘅最新原創遊戲，涵蓋即時戰略、競技、休閒、密室逃脫、Roblox模擬器等類型，體現香港遊戲產業嘅創意與技術發展。

呢11間本地公司，都係參加香港數碼娛樂協會主辦、文創產業發展處作為主要贊助機構嘅「香港遊戲優化和推廣計劃」，佢哋喺第五屆計劃中脫穎而出，獲得機會衝出香港。