【明報專訊】萬聖節將至，一年一度嘅海洋公園「哈囉喂」即日起至11月2號舉行，每日都會有「十大嘩鬼匯演」，包括海濱樂園每日會上演4場「怨靈盲盒開箱直播」，又會有男團「NAMJA6남자」表演「華麗地獄OPPA Show」（圖）。
今年海洋公園會喺10月10號至11月2號期間，喺13個指定日子開放6間不同主題嘅鬼屋，包括墨西哥亡靈節儀式、喰人森林，仲有盲盒主題鬼屋。
喺10月5日前入園，成人門票457元，小童229元，其他日子則按原價收費。如果想玩埋鬼屋，就要加購組合門票，每3間指定鬼屋收費，高峰日280元，非高峰日238元。
