【Emily】青少年帳戶擴至fb 可限時數過濾內容

【明報專訊】Meta早前喺Instagram推出青少年帳戶功能，即日起擴展至facebook（fb）同messenger，涵蓋香港在內嘅全球用戶。𠵱家嘅facebook同messenger青少年，將喺今個星期起被逐步轉移至青少年帳戶，Meta將陸續通知現有青少年用戶。

青少年帳戶設有自動保護機制，限制青少年嘅網上互動對象與接觸嘅內容，並確保佢哋適當善用時間。根據之前Instagram嘅做法，青少年用戶每用一個鐘，系統會發出休息提示，家長亦可設定仔女每日嘅使用上限，青少年想更改設定必須家長同意。

除咗限時，系統會為青少年帳戶自動啟用最嚴格嘅敏感內容過濾，家長亦可睇到子女過去7日嘅互動對象。Meta話，推出青少年帳戶不但提升使用體驗，亦可讓家長更安心。