【Emily】上月黑雨連浸兩次 敬賢里停車超前封

【明報專訊】政府提早預告超強颱風「樺加沙」可能導致多處水浸，好多低窪地區好似鯉魚門、大澳等提早戒備，住戶商戶都堆晒沙包。上個月「黑雨」期間嚴重水浸嘅將軍澳敬賢里停車場亦提早喺前晚「封場」，以防再有車輛被浸。

現場所見，停車場個別泊位仲有車停泊，但大部分車位都放咗橙色雪糕筒同拉起橙帶，咪表就用布袋笠住晒。

上月初，天文台發出黑色暴雨警告信號，其中西貢及將軍澳雨勢相當大，敬賢里咪表位停車場大水浸，超過20架車被水淹，部分仲浸到車頭蓋，到第二日又再浸過，要渠務署出動「龍吸水」去抽水。