經濟
佐丹奴邀韓星盧正義任代言人 演繹「韓風系列」廣告
【明報專訊】佐丹奴（0709）近年積極轉型，今次找來Z世代韓星盧正義擔任品牌全新代言人，似乎有意趁大吹「韓風」之勢，打開年輕消費者市場。童星出身、現年24歲嘅盧正義剛剛與佐丹奴正式簽約，作為佐丹奴新面孔，她將會領銜演繹大中華及亞太區2025秋冬及2026夏季女裝與「韓風系列」嘅廣告。
有關系列將在本月25日率先喺又一城門店、太古城門店及品牌官網登陸，粉絲可快人一步購入盧正義同款時尚單品。相關產品隨後亦會喺抖音、天貓、京東及小紅書等平台同步上架。
佐丹奴行政總裁Colin Currie對盧正義將帶來嘅明星效應相當有信心，形容盧正義「雖年輕但已享譽國際，絕對是推動集團『超越界限』策略嘅不二之選」。
小琴翻查資料發現，其實佐丹奴有份合資嘅韓國佐丹奴（Giordano Korea）早前已與韓國明星合作，請到大家熟悉嘅人氣韓星邊佑錫、車銀優及韓韶禧等坐鎮，代言人陣容可謂相當豪華。
email: [email protected]
