【Emily】大律師會製薯片 賀獎學金銀禧

【明報專訊】大律師公會日前舉行晚宴慶祝設立沈澄紀念獎學金25周年，向呢位已故法官致敬。活動雲集歷屆獎學金得主，公會就搞搞新意思，每個與會者收到一包「特製」薯片。包裝除咗印得主同年份，背面嘅「大律師營養資料」包括一連串大律師嘅「成分」，例如百分百嘅「正義凜然」同「律法精通」，加埋「長做長有」加「場場必勝」。沈澄係首批終審法院常任法官，2000年離世後，大律師公會成立以佢命名嘅獎學金，資助大律師到海外進修，至今累計頒發超過350萬元獎學金。