【Emily】堅持5年「沒遺憾」 《埔報》停刊社媒續運

【明報專訊】社區報幾年前如雨後春筍般冒出，但𠵱家已經寥寥可數，記錄大埔社區事情嘅《埔報》上周都公布停刊。《埔報》創辦人Nelson形容自己辦報歷程，「我覺得呢個行為係大癲」，話5年前創辦社區報係希望為社區做啲事，於是開始放工寫稿、假日游走大埔，為區報發掘不同故事。佢話感恩當日滿腔熱血嘅自己，話為呢份刊物捱到今時今日，「覺得很光榮，沒有遺憾」。

Nelson話，辦報初衷係想打破隔膜，讓區內唔接觸網絡嘅街坊都可以接收到多元聲音，但佢話做落嚟發覺得到嘅回響唔太多，認為理想同現實嘅落差令佢氣餒，加上人手及資金緊絀，最終選擇出版完今期第14期後停刊實體報紙。佢話會保留《埔報》社交平台，但唔會如報紙般做好多採訪和報道，內容亦唔會好似報紙咁詳盡。