Emily Online | 發展局及工務部門獲9項英國「Martin Barnes」獎項 (00:13)

發展局及工務部門日前去英國出席2025年度「Martin Barnes」獎項頒獎典禮，佢獲得9個獎，當中包括發展局副秘書長（工務）何英傑奪得「卓越貢獻」大獎，以及水務署憑位於石湖墟嘅全港首座再造水廠獲得「氣候變化應對方案」大獎。

「Martin Barnes」獎項由英國土木工程師學會轄下的新工程合約組織頒發，旨在表揚世界各地嘅工程項目、機構及個別人士以伙伴協作方式推動工程項目。發展局及工務部門今屆從全球80個參賽項目脫穎而出，27個獎項中攞到9個獎，包括土木署嘅粉嶺繞道東段項目獲得「項目卓越及創新」二獎、渠務署喺「年度機構」組別獲得「高度讚揚獎」等。

發展局長甯漢豪話，當局致力採用「新工程合約」模式提升項目管理效率，今次獲獎顯示團隊努力得到國際肯定。香港由2009年至今已有超過760項工務工程項目採用「新工程合約」模式，合約總值逾5100億元。