湯文亮：沒100%勝算 唔好發動戰爭

【明報專訊】星期六早上去到茶餐廳，所有客人都講印巴空戰，印度主力用法國製的四代半戰機陣風，竟然輸比巴基斯坦用中國製的戰機殲-10C，而且戰績是5比0，唔計無人機，印度損失3架陣風，1架米格29，1架蘇30，印度總理莫迪顏面無光，巴基斯坦方面仲話已經收手，否則的話可以打落15架印度戰機，真係極盡侮辱，好似一場足球賽，已經贏咗5比0的勝方仲話已經留手，否則可以好輕鬆贏15比0。客人話唔明白印度，根本沒有百分百勝算，點解要發動戰爭。