【Emily】梁美芬杭州睇機械人歎驚喜

【明報專訊】立法會議員梁美芬趁復活節假期北上，話去杭州出席研討會，同全球各地30幾名世界貿易組織嘅專家，一齊探討全球關稅戰下國際關係同國際法。佢噚日喺facebook發帖話，會上深入思考，唔同文化背景、制度傳統、歷史淵源同法律體系嘅國際法學者，理應點樣看待「對國際貿易造成嚴重破壞」嘅關稅戰。

全球專家與會探討關稅戰

研討會以外，梁美芬參觀咗杭州科技街區。佢話文三街就好似佢曾經構想嘅「時光隧道歷史館」雛形，參觀「杭州六小龍」嘅科技展示，能從中了解更多有關黑悟空、DeepSeek以至各式各樣機械人，形容「科技之美令人驚嘆不已」。佢又話好驚喜見到機械人，稱機械人能跳太極、演唱歌曲、播放各種音樂，「活潑可愛，令人忍俊不禁」。