【Emily】升呢外公8.0 田二少好好好好激動

【明報專訊】立法會噚日周三開大會，但實政圓桌田北辰請咗幾小時假，原因係佢嘅四女噚日朝早生B。田北辰雖然唔係第一次做外公，但一樣好緊張，去咗醫院陪個女，見到細孫女出世肥肥白白，仲話雖然唔係第一次抱孫，但心情仍然激動。

田北辰形容自己「升呢」做外公8.0。佢3個女之中，第一同第三女各生3個，而第四女噚日就生第二胎。佢之前7個孫係：仔、女、女、女、仔、仔、仔，加埋噚日細孫女，湊成4個「好」字，難怪佢話老套啲都要講句：「人生如此，夫復何求？」