湯文亮：人必先自侮而後人侮之

【明報專訊】有老友同我講，點解新加坡咁唔講武德，新加坡傳媒話香港做了「趕客之都」之後，最近出現「環保風暴」，有多少似潑婦罵街，有失國家風範。老友可能唔知道，新加坡傳媒如果唔係得到政府默許，畀個天做膽都唔敢講。不過今次唔同，根本不用新加坡政府出面支持，假若香港政府批評新加坡傳媒點解要咁講，新加坡傳媒大可以話他們只是複製香港人批評政府的說話，並沒有加鹽加醋，既然香港人可以侮辱自己政府，其他人同樣可以侮辱，人必自侮而後人侮之。