【Emily】保險集團賀壽 下周一搭電車免費

【明報專訊】現時唔少活動會「包起」電車慶祝，中國太平保險集團就為慶祝創立94周年，下周一（20日）請全港市民免費搭電車，希望為港人繁忙嘅工作日「打打氣」，而且當日亦係中國太平連續第三年舉辦「中國太平日」活動嘅日子。

本周六（18日）巴士都有免費搭車活動，九巴同生力啤酒合作，推出兩架由本港著名塗鴉藝術家Uncle852設計嘅「真正朋友」主題巴士，行走來往荔枝角同尖沙嘴碼頭嘅6號線，市民到時可以免費搭呢條路線。