【Emily】兒童事務委員會 公園試玩「氹氹轉」

【明報專訊】香港嘅兒童遊樂場不時被批評唔好玩、無新意，兒童事務委員會嘅委員噚日去咗觀塘偉業街嘅茶果嶺海濱公園參觀，仲試玩部分設施，包括圖中嘅「共融氹氹轉」。

公園由渠務署喺觀塘污水泵房上蓋建造園景平台，署方職員噚日就向委員介紹園內設施中嘅創新、共融等元素。公園今年8月底正式啟用，有超過60組兒童遊樂設施，包括園內最大型、高8米嘅樹屋，仲有嬉水區等。今次工程團隊諮詢過公眾同非政府機構嘅建議，包括有兒童喺「小小遊樂場規劃師」活動畀嘅意見。

（政府新聞處）