【Emily Online】入境處10健兒出戰杭州亞運 處長區嘉宏偕管理層打氣 (21:48)

入境處10名主任及助理將會出戰下星期六（9月23日）嘅杭州亞運，即將退休嘅入境處長區嘉宏，連同即將接任嘅副處長郭俊峯、副處長戴志源同幾位助理處長，噚日為一衆運動健兒加油打氣，祝願佢哋凱旋而歸，並鼓勵佢哋要繼續為國家、香港同埋部門作出貢獻。

6男4女入境處人員將會代表中國香港參加壘球、棒球、籃球、排球、沙灘排球、曲棍球同獨木舟等多個項目，其中兩人首次參與亞運，其餘均有亞運及亞洲賽經驗。